विद्याविहारमध्ये श्री गजानन महाराजांच्या नित्य पादुकांच्या दर्शनाचा दिव्य सोहळा

मुंबई | प्रतिनिधी
श्रीस्वामी समर्थ महाराजांच्या दिव्य गुरुपरंपरेतील तेजोमय अवतार परमहंससद्गुरु श्री गजानन महाराज यांच्या नित्य पादुकांचे पूजन व दर्शन सोहळ्याचे आयोजन रविवारी, २९ जुलै रोजी विद्याविहार (प.), मुंबई येथे भक्तिभावपूर्ण वातावरणात करण्यात आले आहे. या पवित्र सोहळ्याच्या निमित्ताने भाविकांनी मोठ्या संख्येने उपस्थित राहून श्रींचे दर्शन घेऊन आध्यात्मिक लाभ घ्यावा, असे आवाहन आयोजकांनी केले आहे.

हा कार्यक्रम ४ था मजला, रूम क्र. ४६, स्वकृपादीप निवास, गोपीर रोड, विद्याविहार (प.), मुंबई – ४०००८६ येथे आयोजित करण्यात आला आहे. दिवसभर श्रींच्या नित्य पादुकांचे पूजन, दर्शन तसेच भक्तिमय वातावरणात विविध धार्मिक कार्यक्रमांचे आयोजन करण्यात आले असून, श्रीस्वामी समर्थ संप्रदायातील भक्तांसाठी हा सोहळा श्रद्धा, भक्ती आणि अध्यात्माचा अनोखा संगम ठरणार असल्याचे आयोजकांनी सांगितले.
कार्यक्रमाला मोठ्या संख्येने भाविक उपस्थित राहतील, असा विश्वास व्यक्त करण्यात आला असून, सर्वांनी कुटुंबीयांसह या पवित्र सोहळ्यात सहभागी होऊन श्रींचा आशीर्वाद घ्यावा, असे आवाहन करण्यात आले आहे.